روحت تاعب من الخدمة .روحت للدار سالت ع الاولاد شكون الي مشى للمكتب وشكون الي روح .شكون الي فطر وشكون الي ما فطرش .دخلت نحيت حوايج الخدمة لبست السرفات وقصدت بيت الحمام باش نغسل حالتي .كلمتني بنتي بابا الماء مقصوص شركة الماء قصت الماء .قالو ثمة حلقوم مكسر في الجهة الاخرى من الحي .قلتلها باهي بنتي ثماش باش نغسل حالتي قاتلي موجود بابا هاو الماء في بيت الحمام .يغيش بنتي .غسلت حالتي ودخلت للدار .حليت التلفزة وبقيت نستنى في زوجتي باش تجيب الفطور .فطرنا كلينا الي كتب .حاس بروحي تاعب قلتلها باش نرتاح شوية .تمديت في الفرش .خذاتني عيني .لحظة .دخلت مرتي تجري تنادي .قوم يا ولدي قوم .قمت مفجوع اشبيك .اش ثمة قوم خوك صطاح من الموبيلات وركبتو توجع .علاه يار سول الله .قمت نجري انقز في الدروج متاع الدار تنقيز .نشوف خويا راقد في الدار متاع الوالد ومرتو وامي واختي واقفين على راسو .
Aucun commentaire:
Enregistrer un commentaire