الثور والثورة

توة كيف تعمل ثورة .موش تجيب ثور يحرث الارض ويقوم بقلبها وشقها بالمحراث .كيف تركز المحراث .في الارض وتسوق الثور موش يبدى متعدي في خذ مستقيم والارض تتحل وخلي كان السائس متاع الثور يكون فنان .شايخ يسوق في الثور ويميل في راسو ويمني في النفس بوافر المحصول .يخدم من الفجر .لين يطيح الليل ما يرتاح كان باش ياكل ما كتب باش يواصل الخدمة متاعو ويريح الثور الي النهار كامل وهو يخدم في هاك الارض .العلاقة بين الثور والمحراث والفلاح علاقة كبيرة فيها برشا اعتراف بالجميل وبرشا ايثار وبرشا قدر متبادل .الثور سيدي بن سيدي .اضافة الى خصاله الجسمية وقوته العضلية يفهم مولاه ع الرمش .عمركمش سمعتوا بثور .يحلب والا يولد الثور. لا يحلب ولا يعطي حليب ولا يعطي .ثيران .مهمته تلقيح البقرات كان وجدت والعمل الحراثي وما لزمه .بالمقابل الفلاح في علاقته بالثور علاقة فيها برشا احترام وقدر .يدللو ويوكلو ويشربو ويداويه كان مرض .هاكا علاش وقتلي .يستعقوا في موسم الحراثة يلقاه حاضر باش .الفلاح والثور كذلك يعرف جيدا ان كل واحد فيهم مهم في عملية الانتاج هذي ..منطولش عليكم .المصيبة الكبيرة وقتلي يطلع الثور مصاب بداء .جنون البقر .والفلاح يطلع ضاربو الزهايمر من هاك العام وشاد الصحيح باش يركب المحراث ويهز الثور وباش يبدى في الحراثة .المرا خايفة منو .مش منجمة تقلو لا .والاولاد كل واحد في شيرة وما على بالوش .والراجل عطاه ربي عضلات .حتى وان كان مريض المرا ما تنجمش تقربلو .